Grad Beschäftigt Songtext
von Dabu Fantastic

Gottseidank glaubt är sälber no dra
Ziäht sini liäbschtä schuäh, sini liäbschtä chleider aa
Niämmärd weiss äs aber er, er, für ihn isch äs klar
Hüt isch sin tag, hüt, hüt isch sini nacht

Jetzt oder niä, fühlt sich wiä än früschä foifliibär
Dussä uf dä strassä, i dä gassä, chönt vor freud schiinä
Äs schiint so liächt jedä schritt uf äm asphalt
No ei mal ei chance ei nacht lang

Er hät sich gschworrä, dass är alles vergisst
Eifach no ämal vo vornä ohni alli di gschichtä
Ohni all dä scheiss, und äs glingt äm au
Dänkt nöd dra, fühlt sich ganz genau äso wiä i sim chindheitstraum

So wiä alles im lot
Nur no 1 nacht so sii wiä diä andrä im ort
Nur ei mal au teil vom däm fäscht si
Gaht inä in club und bewegt sich


Und wänn är jetzt so tanzt mit sim chäpli aa
Zmitzt i dä lüüt, doch glich chli näbädra
Kännt är nüt, kännt är niämärd, doch wott alli kännä
Doch niämärd wott, niämärd kännt, all sind grad beschäftig

Und är tanzt, will das das isch woner chan
Git än figg, hät sich schliesslich gschworrä verdammt
Und tuät äso, als würd är alli kännä im club
Blinzlet zu dä andrä gescht und lächlächt nä zuä

Und lauft vo einrä zum andrä und schnurrät än aa
Git sich easy wiä′s nu gaht und super entspannt
Doch sie märked dä schwindel und lachäd än us
Oder losäd eifach wäg, lönd än stah so im ruum

Und je meh är sich müäh git
Desto schnällär laufäd d'lüüt us äm chäller ad chüäli
Är bhaltäd s′lächlä im gsicht doch cha d'tränä nöd hebä
Tanz wiiter, dräiht wiiter, wott mit dänä go redä

Är hät sich gschworrä, ja, dass är alles vergisst
Eifach no ämal vo vornä ohni alli di gschichtä
Drum är verlaht är dä club vor äm vieri richtig see
Sit däm abig hät än niämeh öpper xeh


Und wänn amix jetzt so tanzt mit sim chäpli aa
Zmitzt i dä lüüt, doch glich chli näbädra
Kännt är nüt, kännt är niämärd, doch wott alli kännä
Doch niämärd wott, niämärd kännt, all sind grad beschäftig