Loss dir nix jefalle (akustik 2016) Songtext
von Brings

Freiheit wor för mich, friedachsovends op de Roll ze jon
De Mama anjepump un in d′r Disco jov et Rock'n′Roll
De Jeans soße knapp un wore in Domestos jetränk
Ich han mih Hätz jeden Ovend dusend mol verschenk

Ming Hoor wore lang un manchmol och jefärv
Ming Band, die wor laut un hät d'r Nohber nor jenerv
Ich hat Stress in d'r Schull, ming Note wore schläch
Doch de Mamm die jov mir ne Spruch met op d′r Wäch

Loß dir nix jefalle, du weiß woher du küss
Wenn se froge, sach us Kölle un halt niemols ding Schnüss
Helf denne, die et bruche un ston vör andre in
Denn dann kannste sage, ich bin stolz kölsch ze sin


Die Jeans vun fröher, ich treck se noch ens an
Se sitz jet spack, doch die Flicke sin noch dran
Friedachsovends, ich willet noch ens sinn
Met d′r Stroßebahn fahr ich in die Stadt erin

An jeder Eck klääv en Erinnerung
Su wie ne ahle jode Song
Do fällt mir d'r Spruch vun d′r Mamm allt widder in
Ich jläuve dat is hück Naach minge Refrain

Loß dir nix jefalle, du weiß woher du küss
Wenn se froge, sach us Kölle un halt niemols ding Schnüss
Helf denne, die et bruche un ston vör andre in
Denn dann kannste sage, ich bin stolz kölsch ze sin

Loß dir nix jefalle, du weiß woher du küss
Wenn se froge, sach us Kölle un halt niemols ding Schnüss
Helf denne, die et bruche un ston vör andre in
Denn dann kannste sage, ich bin stolz kölsch ze sin
Ich bin stolz kölsch ze sin