Stägeli uf Stägeli ab Songtext
von Troubas Kater

Är us em dorf
Sie us der stadt
Är het e hof
Sie het ke vatter
Är geit nid us
Sie geit nid i
Si wüsse beidi nid wär si wei si
Voumond steit höch
Heu-wissi nacht
Finge ke schlaf
Beidi si wach
Är luegt iz land
Sie anes dach
Är fragt sech geng wieder
Waser söu mache
Sie het gedanke wo nüm höre kreise
Es macht se chrank
Dass sie nid cha entscheide
So loufe di beide
Ir wohnig desume


Geng hin u här
Zeiger geit ume
Beidi si uf
Beidi si wach
Stägeli uf
Stägeli ab
Läbe geit wie?
Äbe nid ab
Beidne blibt z läbe grad chläbe di nacht
U während di beide närvös i der wohnig
So langsam ke luft me berchöme
Hüület en üüle ir ferni wo macht dass sie
Beidi gad luscht überchöme
Use id nacht
Irgendwo häre
Irgendwo wo me sech nid mues erkläre
Dört wotti si
Use iz freie
Isch ihre drang u dä risst gad a beidne
Risst a der luscht
U die risst am härz
Das schlaht der takt
Schneueri schläg
Beidi stö uf
Zitgliichi schritte
Wüsse ja beid nid was si da het gritte
Aber är gspürt
Aber sie gspürt
Dass ihre fade hüt nacht usefüert
Aber är füeut
Aber sie füeut
Dass da gad öppis im gröbere wüeut
Är hout si huet
Sie ihre schau
Är bingt sech d schue
Sie bingt sech d haar
Är nimmt der chittu
Sie schlüpft i mantu
Und beidi chnöpfe bis obe a haus zue
Lueg nid i spiegu
Dänkt sie für was?
Är isch scho duss
Uf richtig waud
Use im freie
Früschi ir luft
Voumond steit hööch
Lüüchtet i huuch
Sie louft dür d stadt
Gasse si ruhig
Wiederhaue das glagg
Vo ihrne schue
Är louft im waud
Fiischtere striich
Unger sim schue
Knischteret s chiis
Wüsse ja beid nid wo si eigentlech häre wei
Doch jede schritt macht der nächscht e chli liechter
Über ihm rage di tanne i mond
Hinger ihre di stadt mit de liechter
Ändi vom waud
Ändi vor stadt
Stägeli uf
Stägeli ab
Irgend es dänkmau
Mit ere süüle
Ungere stäge und obe di üüle
Är chunt vo obe und sie chunt vo unger
Langsami schritt u der puls isch uf hundert
Uf der plaquette am socku steit himmu und höu
Aber das nimmt die ächt nümme wunger

Är seit guet morge
Sie guete aabe
Mitti vor stäge
Blibe si sta
Hocke si ab

Und vor ihne erschiine steisoudate
Und verastaute e militärparade
Mit hammer und speere mit schiuder und schwärter
Und der lütnant ufem ross treit e marmorgranate
Ihri stäge ziehts zum ne haubkreisförmige amphitheater
E massive krater
Der mondschiin bündlets zum theaterliecht
Obe ängle wo spiele i luftige gwänder
Wird vom chor begleitet über hundert sänger
Und überau hets lüt wo sich i igang dränge
Aber die zwöi hie uf der stäge
Wippe langsam uf und ab
Und berchöme vo däm shit
Gar nüt mit