Monschter im Schaft Songtext
von Troubas Kater

I brichen in es Huus ih wo irgendöpper wohnt
I luegen ihri Sachen ah, lah aues so wi gwohnt
I luege dür di Fotoaube, Bankuszüg und Chrankekasse
Aus erfahri so vones paar Fotos vorem Standesamt
Kombiniert mitem Poschtpaket mitem Logo dran vo der Absänderbude
Shit, mache die mirs eifach, Schlüssu steckt u ab i di Bude
Ab wider use, niemer merkt
I nime nüt mit, i bi geng wider dert
I bi das Monschter im Schaft wos würklech git
Aber me de Chind entlehrt

U aus wo dir so poschtet, und aus wo dir grad posted
Ligt bi mir aus Collage ufme grosse Poster
U aus wo du verheimlechsch, verratet mer dis Umfäud
Du machschs mer eifach eifach, ohni dass e Hund bäut
Und aui Chinder schreie: "O-oh o-oh, wär versteckt sech da im Schaft?"
Doch ihri Aute säge "E-eh, e-eh, da isch niemer, schlaf itz Schatz"


Cha eifach aus gseh weni 1 und 1 zämerächne
Es git kei Schutz vor mir nur Massnahme wo zämebräche
I ha ke Ahnig was di Lüt dänke, bi eifach inecho
Du kennsch nidemau mi Name, aber i dine scho
Du chunnsch zur Tür ih aber i versteck mi liisli
Und i los der zue am Telefon was du äch priis gisch
Üs trennt e Holztür, bi versteckt derhinger
Du verzeusch grad dis Privatläbe und ig, i läck mer d Finger

U aus wo dir so poschtet, und aus wo dir grad posted
Ligt bi mir aus Collage ufme grosse Poster
U aus wo du verheimlechsch, verratet mer dis Umfäud
Du machschs mer eifach eifach, ohni dass e Hund bäut
Und aui Chinder schreie: "O-oh o-oh, wär versteckt sech da im Schaft?"
Doch ihri Aute säge "E-eh, e-eh, da isch niemer, schlaf itz Schatz"

I weiss nid aus, aber scho gly wird is de wüsse
Denn han ig dis schlächte Gwüsse ufem Tisch ganz unverschlüsslet
Und inzwüsche sammli munter wiiter Biuder, wiiter Fiume
Wiiter meh Stoff, so chan i mi wiiterbiude
Dini Gsundheitsdaate, si mini Chrankheitsdaate
Dini Kreditcharte, isch mini Wäutcharte
I ryss mer ds Bei nid us dir Eitelkeit sei Dank
Warum heissts äch "Datebank"?


U aus wo dir so poschtet, und aus wo dir grad posted
Ligt bi mir aus Collage ufme grosse Poster
U aus wo du verheimlechsch, verratet mer dis Umfäud
Du machschs mer eifach eifach, ohni dass e Hund bäut
U aus wo dir so poschtet, und aus wo dir grad posted
Ligt bi mir aus Collage ufme grosse Poster
Ufme grosse Poster, ligt mer e Collage
Und i mach mir Gedanke uf was du morn geisch go poschte

O-oh o-oh
E-eh e-eh