Ladrina Songtext
von Troubas Kater

Er schoucklet i sim stuehl und brummt e melodie
Er hed e salzwasserstimm wo chli hert klingt
Er büschelt sin bart, fahrt sich dür sis haar
De grau star trüebt sini ouge
E briise bringt luft wo dem meer wo der alt sis
Lebe hed gschenkt, sis lebe hed vermacht
Und wer hätti denkt, dass er am endi vom tage
Ned mal sis alter bechlage, sich nume use wett waage
Sit wuche isch er dran,
Macht sin kutter nomal flott Sogar en farbstrich hed er uftreit
Triibe wo de zyt
Vilicht triibe vo de angst
Er verbringt sis läbe i dem dorf drin
Er fühlt sich so ned wohl
Auwa scho sit gäng
Aber jetzt im spätsummer is am schlimmste
Er gspürt en cho de sturm
Er verspürt e so en drang
Und nimmst si handorgle füre und er spillt en melodie

Das alte seefahrerlied vo de welle
Und er brummt so chli mit wenn er si spillt
Und seglet richtig horizont
Genau dert wo d′sunne verschwindet
Sich gege unne verbindet, dört weiss er dört
Gaht er under


Schoukle macht en ruhig, sit de kutter nümme fahrt
Und er d'welle nümme täglich cha verfolge
Er starrt konzentriert ids meer
Als g′säch er ufe grund
Als wär dört öpis wo ne ned in rueh lad
Und niemert weiss warum
Und niemert kennt de grund
Aber irgendöpis schmöckt er i de meerluft
Er luegt use i das blau
Erwartet öpis cho
Sit 25 jahr isch er am warte
Er dreiht sich nomal um
Einisch süfzt er tief, plötzlich gseht mer hinder ihm ned mal es dorf meh
Und wie usem nüd bricht er zäme im sand riist sini liine chutte bänglets vornand und sini häng zittre

Und wie usem nüd bricht er zäme im sand riist sini liine chutte bänglets vornand und sini häng zittre

Hey ho, hey ho ich biete seele
Für ei grossi antwort ufne frag
Hey ho, hey ho im schlund vo allne meer
Säg mer wonis finde, säg mer woner isch
Hey ho, ladrina
Ich sueche no miis grab
I bruche no en antwort ufne frag
Hey ho, hey ho im schlund vo allne meer
Säg mer wonis finde, säg mer woner isch
Hey ho, hey ho ich biete seele
Für ei grossi antwort ufe frag
Hey ho, hey ho im schlund vo allne meer
Säg mer wonis finde, säg mer woner isch
Hey ho, ladrina
Ich sueche no miis grab
I bruche no en antwort ufne frag
Hey ho, hey ho im schlund vo allne meer
Säg mer wonis finde, säg mer woner isch

Ohh, Säg mer wonis finde, säg mer woner isch