Flügendi Insle Songtext
von Troubas Kater

I wache uf, warm bettet ire Alkoholfahne
Füehle mi irgendwie vo mim Auptroum no plaget
Mini Wohnig isch vo Gspängster besässe
Äs isch chaut, ha gester Abe äue d Fänster vergässe
Mi Mitbewohner isst Raviolibätzi mit Miuch
I lise Zitig, i bi uf dr Titusite mit Biud
Schinbar füehri wieder z Ranking im Betribigsregister
Aber sit dir isch ds nümme so wichtig

Ha nur no hundert Sorge mit dir
Sogar dr Himu het hüt sones Grinse
I füehl mi unzerstörbar bi dir
Mit dir isch d Wäut ei flügendi Insle
Ey! Ey!


Mini Chatz het sech im Toaster verschloffe
I bi nass mis Dach isch äue düregroschtet, äs Loch
Schliche ar Nachbarin verbi, di isch vo Dämone besässe
Ds weis i sit si mau for mir brutau Melone het gässe
Ide Stasse im Quartier hange bruni Plakat
Bösi Jungs mit Bluethüng hei iri Chneble parat
Mis Telefon seit Mueter wott mi vorenterbe
I nime mis Telefon iz Sorgebarometer

I ha nur no hundert Sorge mit dir
Sogar dr Himu het hüt sones Grinse
I füehl mi unzerstörbar bi dir
Mit dir isch d Wäut ei flügeldi Insle
Ey! Ey!

Was d Wäut brucht: Lüt wo nis nöii Ufer ufzeige
Was d Wäut nid brucht: Ä Überdosis Usruefezeiche
Was d Wäut brucht: Äs Momumänt für d Rettugssanität
Was d Wäut nid brucht: Influenzer Blogs über many Money Cash
Keni Terminserie-Iladig und Computerproblem
Wo mir när zeige eigentlech bin ig dr Fähler im System
Di Wäut brucht keni giga-riese Konzärne
Di Wäut brucht Mönsche wi di, wo üse Tanker chöi wände

U i ha chum no Sorge mit dir
Du chasch hie aus viu farbiger Pinsle
Gäbs nume hundert Mönsche wi di
De wär di Wäut ei flügendi Insle


Ha nur no hundert Sorge mit dir
Sogar dr Himmu het hüt sones Grinse
I füehl mi unzerstörbar bi dir
Mit dir isch d Wäut ein flügendi Insle
Ey! Ey!

(Ein flügendi Insle)
(Ein flügendi Insle)