Celsius Songtext
von Troubas Kater

Wie lang häbt der Närv i däm Schweiss-See?
Wi viu Grad geit i Chopf bis mer heiss hei?

E Tag ir Sunne ir Voubechleidig
Duss umeliege - vou verleidet
Glühendi Muure - der weich Asphaut
Die Aupewiese - der Buechewaud
Der Triftgletschter - der Morderatsch
Der Wasserspicher im Oberaar
Trochni Hut - roti Ougelider
Malaria und Dengue-Fieber
Z chaute Nass isch grad furtdunschtet
Luft zum schnide wo di uspumpet
Bachlouf ize stoub-troche
Schattewaud schmöckt nach Houzchole
En organische Chor schreit "haut bitte!"
Drin gfange im gchüelete Huus - chaut bitter
Mini Kehle isch troch i ha Schweiss uf der Stirn
Wit vor glimmt z Dorf im gleissende Liecht


Und e Chor schreit "haut bitte!"
Drin gfange i däm chaut-bitter
Mini Kehle isch troch i ha Schweiss uf der Stirn
Wit vor glimmt z Dorf i däm gleissende Liecht

Wie lang häbt der Närv i däm Schweiss-See?
Wi viu Grad geit i Chopf bis mer heiss hei?
Aui frage warum dass si heiss hei
Au ertrage das nümm dass si heiss hei
Oh was wei mer morn?
Was hei mer no?

Im Glimmerliecht hani z Seili i der Hand
Haute a lege Steine ufe Sand
Nimm es Bad i däm stoubig See
La mi tribe - chum hou mi dert
La mi los flüge höch über das aus
Woni gseh schnüert sech dichter um mi Haus
Stoub troche ga Wasser reiche
Aus verdunschtet ir Wasserscheide
Ghöre Stimme us de Schweissperle cho
Heisse Wind und är treit se dervo
Bruun - grau - herti Kante
Aus verlore - aus in Brand


Und e Chor schreit "haut bitte!"
Drin gfange i däm chaut-bitter
Mini Kehle isch troch i ha Schweiss uf der Stirn
Wit vor glimmt z Dorf im gleissende Liecht
Und e Chor schreit "haut bitte!"
Drin gfange i däm chaut-bitter
Mini Kehle isch troch i ha Schweiss uf der Stirn
Wit vor glimmt z Dorf im gleissende Liecht
Und e Chor schreit "haut bitte!"
Drin gfange i däm chaut-bitter
Mini Kehle isch troch i ha Schweiss uf der Stirn
Wit vor glimmt z Dorf im gleissende Liecht

Vielleicht ist die Geschichte sonnenklar
Aber wir sehen nicht wie es ist
Vielleicht sehen wir es
Aber wir tun so als ob wir nichts wissen
Vielleicht wissen wir
Aber es ist einfacher so zu tun
Als ob wir nicht verstehen
Und wir fragen immer wieder
Wie lange noch? Und wohin führt uns das?

Vilech isches eifacher dass mir
So tüe wi wenn au das üs nid bewusst wär gsi