Choododde Nannu Songtext
von Tippu & Sumangali

చూడొద్దే నన్ను చూడొద్దే చురకత్తిలాగ నన్ను చూడొద్దే
వెళ్ళొద్దే వదిలెళ్ళొద్దే మది గూడు దాటి వదిలెళ్ళొద్దే
అప్పుడు పంచిన నీ మనసే అప్పని అనవొద్దే

ఇప్పుడు పెరిగిన వడ్డీతో ఇమ్మని అడగొద్దే
చూడొద్దే నన్ను చూడొద్దే చురకత్తిలాగ నన్ను చూడొద్దే
వెళ్ళొద్దే వదిలెళ్ళొద్దే మది గూడు దాటి వదిలెళ్ళొద్దే


వద్దూ వద్దంటు నేనున్నా వయసే గిల్లింది నువ్వేగా
పో పో పొమ్మంటు నేనున్నా పొగలా అల్లింది నువ్వేగా
నిదరోతున్న హృదయాన్ని లాగింది నువ్వేగా
నలుపై ఉన్న రాతిరికి రంగులు నువ్వేగా
నాతో నడిచే నా నీడ నీతో నడిపావే
నాలో నిలిచే నా ప్రాణం నువ్వై నిలిచావే

చూడొద్దే నన్ను చూడొద్దే చురకత్తిలాగ నన్ను చూడొద్దే
వెళ్ళొద్దే వదిలెళ్ళొద్దే మది గూడు దాటి వదిలెళ్ళొద్దే

వద్దూ వద్దంటు నువ్వున్నా వలపే పుట్టింది నీ పైన
కాదూ కాదంటు నువ్వున్నా కడలే పొంగింది నాలోన
కన్నీళ్ళ తీరంలో పడవల్లే నిలుచున్నా
సుడిగుండాల శృతిలయలో పిలుపే ఇస్తున్నా
మంటలు తగిలిన పుత్తడిలో మెరుపే కలుగునులే
ఒంటిగ తిరిగిన ఇద్దరిలో ప్రేమే పెరుగునులే


చూడొద్దు నను చూడొద్దు చురకత్తిలాగ నను చూడొద్దు.
వెళ్ళొద్దు వదిలెళ్ళొద్దు మది గూడు దాటి వదిలెళ్ళొద్దు
అప్పుడు పంచిన నా మనసే అప్పని అనలేదే
గుప్పెడు గుండెల చెలిఊసే ఎప్పుడు నీదేలే