Las Vegas Songtext
von Stiller Has

Da isch es Loch i mire Seel
Du hesch der Abzug drückt
S′het nume einisch bum gmacht
Das hättsch chönne schpare

Du hesch us Liebi gschosse
Du hesch mi verwütscht
Mit dire Liebesknarre
Mit dire Knarre

I ha dis Parfum uf der Huut
U du schmökgsch e chly nach mir
U i suuge a de Schtummle
Wäg em Lippeschtift vo dir

Alles drüber, alles drunger
Hin u här u ja u nei
I warte uf e Summer
Es isch April u no nid Mai


I ha nie mit dir nach Las Vegas wöue
Wöu me das wo me dert gwünnt
So schnläu verlürt
I wott ke neue Talismann, ke Ring am Finger
Kes brochnigs Härz
Ke Ungklücksbringer

U i suufe us de Wanne
Wöu du drin gläge bisch
Mit nüt als Wasser anne
Wöu d'e Wasserschlange bisch
I bi ufegschtiege bis uf Wouche siebe
Alli Fründe hesch vertriebe
Nid mal d′Längwieler si blibe

Bisch us em Räge cho
U nach em Gwitter bisch verschwunde
I mim alte Rägemantel
Mit nüt als gar nüt drunger

U der Himmel grännet Fäde
U mis Läbe schteit i Flamme
Gseh di ir Schtadt verschwinde
Mit mim Rägemantu anne

Du bisch wie der Monat
Wo du zueglüffe bisch
Heiss u chalt u hin u här
U ja u nei


Drüber u drunger
I warte uf e Summer
Es isch April
U no nid Mai

I ha nie mit dir nach Las Vegas wöue
Wöu me das wo me dert gwünnt
So schnläu verlürt
I wott ke neue Talismann, ke Ring am Finger
Kes brochnigs Härz
Ke Ungklücksbringer

Du bisch wie der Monat
Wo du zueglüffe bisch
Heiss u chalt u hin u här
U ja u nei

Drüber u drunger
I warte uf e Summer
Es isch April
U no nid Mai