I schrybe dir es Lied Songtext
von Stiller Has

I schrybe dir es Lied
Doch es wott nid uf ds Papier
Die Wörter wei eifach nid zu enand
I has scho lang wölle mache
Doch d Melodie het sech versteckt
U die Tön, die mache Ferie uf em Land

Gester am Namittag
Isch ds Lied scho fasch fertig gsy
I ha der Text scho flüssig vor mi häre gseit
Ds Papier isch wyss gsy wie der Schnee am Gletscheriis
U när hani der Violinschlüssel verleit

I schrybe dir es Lied
Wes nid grad hüt no muess sy
Irgendeinisch emal bringen is scho zstand
Aber de Gygechaschte chlemmt u ds Wätter isch nid guet
Und myni Schrybmaschine schrybt nid ohni Band


Wottsch nid es anders Lied
Eis wode nid wottsch vo mir
Los, die Strophe hätt i o scho im Chopf
Aber ds A isch abegheit u het sech ufe Aabeebode gleit
U ds X als U het leider jämmerlechst verseit

I schrybe dir es Lied
Eis wo verhet u wod o wettsch
Nume bitte we müglech nid grad itz
Will der Bassist am Bass, dä het sy Bass vergässe
U d Handwärker wärkle gäng no am Verstercher

I gäb der süsch es anders Lied
Eis wo de scho chli kennsch
Nume leider, när wärs halt nid genau dys Lied
I schrybe dir es Lied, i fah
Nächsti Wuche dermit aa
Aber i weiss nid, warum is nid scho lang ha gmacht

I schrybe de wunderbari Sätz
Aber i schrybe se nid uuf
Sie schwümme ume i mym Chopf wie Fische
Si füehle sech derte eigetlech wohl
Aber si touche sälten uuf, u wenn si uftouche
När singe die Sieche nid


I schrybe dir es Lied
Doch es wott nid uf ds Papier
Die Wörter wei eifach nid zu enand
I has scho lang wölle mache
Doch d Melodie het sech versteckt
U die Tön, die mache Ferie uf em Land