Chräie Songtext
von Stiller Has

Uf der Linde vor der Hütte
Hocke Chräie
Der Schnee
Isch bliebe liege
Ungerem Boum schteit
Mi Charre
Wo d′Chräie
Druf tüe schysse

Mini Liebi – die het gloge
Het sich verfloge
Sie isch i Süde zoge
Alles wo i gliebt ha
Ha i vertriebe
Nume d'Chräie
Si mir bliebe


Chräie flüge hin u här
Wöu sie Gschpänli wöi
Chräie kreise schwarz u schwär
Chräie si nid gärn allei
U i schreie gäge d′Chräie
U drohe mit em Schtei

I parkiere
Unger der Bueche
U versueche so
Der Lack no z'rette
Aber d'Chräie
Zügle mit
Bruche mis Auto
Als Toilette

Chräie kreise schwarz u schwär
Bis sie e Schlafplatz hei
Chräie hei zwar Dünnschiss
Aber sie si nie allei
Sie si nie allei
Wöu sie Fründe hei

Überem Mittuland
Hanget der Näbu
I der Altstadt
Schnuuft me schwär


I der Bueche
Krächze Chräie
Ach wenn i
E Chräie wär
Hin u här
Würd i flüge
Anstatt mit de
Kempe z′schiesse
I würd flüge
Mit de Chräie
U vo obe
Abeschysse

Chräie flüge hin u här
Ach wenn i e
Näbuchräie wär
Chräie si nie einsam
Dräie ihres Ding gemeinsam
Uf em Boum vor mire Hütte
Hocke Chräie
U der Schnee isch bliebe liege
I würd gärn
Mit de Chräie flüge
Schnee isch bliebe liege
I würd gärn
Mit de Chräie flüge