Lacreme napulitane Songtext
von Rosanna Fratello

Mia cara madre
Sta pe′ trasi' natale
E a sta′ luntano chiu'
Me sape amaro
Comme vurria alluma'
Duje tre biancale
Comme vurria senti′ nu zampugnaro
′e ninne mie facitele 'o presepio
E a tavola mettite ′o piatto mio
Facite quanno è a sera da' vigilia comme si′ mmiezo a vuje
Stesse pur' io
E ′nce ne costa lacreme st' america
A nuje napulitane
Pe' nuie ca ′nce chiagnimmo
O cielo e napule
Comme è amaro stu′ pane


Mia cara madre che sso'
Che sso′ 'e denare?
Pe′ chi se chiagne a patria
Nun so' niente
Mo tengo quacche dollaro e me pare
Ca nun so′ stato maie tanto pezzente
Me sonno tutt 'e notte a casa mia
E d"e criature me 'nne sento ′a voce
Ma a vuie ve sonno comm ′a na' maria
Cu ′e spade 'mpietto
′nnanz 'o figlio ′ncroce
E 'nce ne costa lacreme st' america
A nuje napulitane pe′ nuje ca ′nce chiagnimmo
'o cielo e napule
Comm′ è amaro stu' pane

M′avite scritto
Che assuntulella chiamma
Chi l'ha lassata
Sta′ luntana ancora
Che v'aggia di'
Si ′e figlie vonno ′a mamma
Facitela turna' a chella signora
Io no nun torno me ne resto fore
E resto a fatica′ pe tutte quante
Jo c'aggio perzo a patria, casa e onore
Io so′ carne 'e maciello so′ emigrante
E 'nce ne costa lacreme st' america
A nuje napulitane
Pe′ nuje ca ′nce chiagnimmo
'o cielo e napule
Comme è amaro stu pane