Schtell mi uf Songtext
von Polo's Schmetterding

I derä Wält voll Ärger
Voll vo Lämpä und Wuet
I dem iis-chaltä Renne
Um viel Gäld und viel Guet
Wo e Mönsch nid viel meh
Als ä Flöigäschiss gilt
Da bruucht jedä öper
Wo ihm de Hunger schtillt

Drum chumm u schtell mi uf
Chumm doch u nimm mer dr Schnuf
Ja du weisch i schtaa so druuf
Schtell mi uf, schtell mi uuf


I bi im Rägä gschtandä
Wenä gschlagnige Hund
Ohni Chetti und Bande
Vogelfrei jedi Schtund
Aber bi dir im Schärmä
We du di näbe mi leisch
Geits mier so viel besser
Jetzt wo d zue mier seisch

Oh chumm u schtell mi uf
Chumm doch u nimm mer dr Schnuf
Ja du weisch i schtaa so druuf
Schtell mi uf, schtell mi uuf

I weiss i ha di la waarte
Ha kei Zyt gha für hei
Zwüsche de Betonmuure
Wird me hert wie ä Schtei
Me meint de schnell me bruucht niemer
Wo gäng zu eim schteit
I ha vergässe was′s heisst
Wenn eim öpper seit

Oh chumm u schtell mi uf
Chumm doch u nimm mer dr Schnuf
Ja du weisch i schtaa so druuf
Schtell mi uf, schtell mi uuf