Freie Fall Songtext
von Plüsch

Egal wie schnäll das i louffe
Stah immer no am gliiche Ort
U o mit vielne Wort
Chani nit beschriba wis mer geit
Usse hert wi Stei u inne bini fiin wie Sand
I rünne mir us der Hand
Chan nümme länke was i tue
Die innri Rueh macht platz für ds Gägeteil
I fühle mi immer wie meh allei
Bis dr Vorhang ändlech gheit
Im Freie Fall mit Überschall chunnt alles uf ds mal
S trifft mi wie ne Blitz u i frage mi gits
No öppis schöners uf dr Wält


D′Lampe göh ah stah im Rampeliecht da
Chan mi ändlech la gah
Nüt isch wis isch gsy ds flattere isch verby
Es chönnt nid schöner sy
Mit grosse Ouge u mit offnem Muul
Stahni da u gloube chuum
I wett das Gfüehl gieng nie verby
I de schönschte Tröim wo i mal ha gha
Hani mir nie tröime lah
Dases mal eso wird sy
Ha immer gseit i ha e länge schnuuf
U i gibe no lang nid uf
Bis es mini Tröim vom Himmel schneit