Matratze Songtext
von Peach Weber

Ich ha übrigens au letzi müese neui Möbel chaufe, es git jetz au en IKEA-Katalog für Muslim
Det isch eifach niene e Frau dine
Oder für Veganer hets keini Ledersache drin
Hets au en IKEA-Katalog für Stilbewussti, det hets kei Möbel drin


Nei, ich ha ebe müesse e neui Matratze ha
Und mini alti Matratze, die stinkt so grausam, ich glaub, die isch tot
Glaub, ich ha si iigschlöferet
Aber de Vorteil isch, si het eso vil Milbe din, woni si bi go entsorge, hani nur so e Leine dra gmacht

Und Billigflüge, defür müends überall spare, oder
Jetzt tüends jo t Kotztüte nur no wächsle, wenns ganz voll sind
Bankfiliale werded au immer chliner
Letzti het sich e UBS-Filiale wölle imene ROBIDOG iimiete
Und au t Post spart jo überall, jo guet, det gits scho no Sparmöglichkeite
Bi de Post schafed jo allei 800 Lüüt zum t B-Post zrugbhalte