Öberall heds Pilzli draa (Lied) Songtext
von Peach Weber

Mer gönd hüt ines Restaurant
S isch i de ganze Stadt bekannt
Sig s beschte vo de beschte
Da gömmer jetzt go teschte

Mer merkt do scho, dass′s vornähm isch
E Huufe Bsteck hetz ufem Tisch
Mer bstellit zwei Vorspiise
Und e halbe Wiisse

De luegemer id Charte
Die isch lang, fascht bis i Garte
Damits de sicher längt
Bschtelle mir sibe Gäng

All die Sache hämmer bschtellt
De Räschte, de isch schnell verzellt
Mer wartet zwor nid lang
Defür bi jedem Gang


Öberall heds Pilzli draa
Pilzli draa, Pilzli draa
Öberall heds Pilzli draa
I hasse daa, i hasse daa

Champignon und Morchle
Chönnti glatt vergorchle
Steipilz und Eierschwümm
Jetz magi de eifach nümm

Woni i euser Firma
15 Jöhrli gschaffet ha
Seid de Cheff zu mir: "Jo si
I lad si z Obig i"

Sini Fräu het kochet gha
Es git nid öppe Servila
Alls was s Herz begehrt
Norme hettis fascht kehrt

Plötzli gitz mer fasch de Gong
Alls isch voller Champignon
De chani etz nid bringe
I mues mi eifach zwinge


Öberall heds Pilzli draa
Pilzli draa, Pilzli draa
Öberall heds Pilzli draa
I hasse daa, i hasse daa

Champignon und Morchle
I mues si abegurgle
Steipilz und Eierschwümm
Jetz chani de glaub nümm

Letscht Johr hani Ferie gha
Simmer abe uf Afrika
Zmizt i Dschungel ie
Go Urwald inezie

S goht de gar nid cheibelang
Do träffemer e igeborne Stamm
Die ladid eus de glii
Zum Mittagesse i

S git Affehirni, Chräbsezange
Würm, Termite, Klapperschlange
Alls wo umschliicht
Da wärmer ja no gliich, aber

Öberall heds Pilzli draa
Pilzli draa, Pilzli draa
Öberall heds Pilzli draa
Jetzt schissts mi langsam a

Do chömmer vo de Ferie hei
Mitemene zimli bruune Stei
Machi de Chüelschrank uf
Verschlots mer grad de Schnuuf

Chäsli, Anke und Joghurt
S Datum isch scho längschtens furt
Alls woni ha poschtet
Isch scho lang verroschtet

Öberall heds Pilzli draa
Pilzli draa, Pilzli draa
Isch denn das gerächt?
Jetzt ischmer eifach schlächt