Manne im Alter Songtext
von Peach Weber

Es git jo übrigens viel Manne i mim Alter, die sind au 64i
Bi jetz au i somene Alter, weni go go spaziere im Wald
Merk i scho, wie überall t Würm zum Bode us chömed, wells meined s gäb Zmittag, oder und
Mit 64i isch denn au klar, du bisch im vierte Drittel vo dim Läbe und
Mängisch hani zum Bispiel echli Alzheimer und es Déjà-vu zämme, mitenand, oder
Denn denk i amel: "Hey, da hani doch schomol vergässe"

Jetz tüends jo au s Rentealter immer ue, oder, i gwüsse Prüef, do goht da ned, zum Bispiel Stripteasetänzerinne, oder
Well mit 70i hesch eifach nümme sone Pfirsichhuut vonere 19-Jährige
Da hesch ehner e Huut vomene 70-jährige Pfirsich
Ich bi jo letzti imene sone Lokal gsi, also us Versehe, mer hend welle it Chille


Ich bi jo ned eine, wo jetzt seit: "Ich gohne nie is Altersheim", me mues scho zerst go luege, oder
Und ich bi jetz au chli go umeluege, ich ha e sehr schöns gfunde: Altersheim Falteglück
Jo, e super Kantine, stoht gross duss "Demensa"
Nei, ich ha au t Spiischarte scho chli aagluegt und so
Und die hend super Menu, oder, do lauft der grad s Wasser i de Windle zämme
Si mached au Spieli mit dene Lüüt, si hend grad eso umne Tisch ume sind so sechs Lüütli gstande, oder
Und hend so mit foif Gebiss "Reise nach Jerusalem" gspilt
Isch sehr es fortschrittlichs Altersheim, oder, die hend au näb de Iigangstüüre sone Seniorechlappe

Ich kenne so vier Seniore, die tönt ami eso einisch i de Wuche macheds Memory
Oder, damits echli s Hirni chönd trainiere
Und de Kurt isch de ganz glücklich heicho und het gseit: "Du Marianne, hüt bin ich de bescht gsi
Ich ha mer am meischte Chärtli chönne merke"
Het si gseit: "Super, aber ich heisse Silvia"