iFrau Songtext
von Peach Weber

Schatz, i ha lang und gründlich studiert
Werum eusi Beziehig nüme funktioniert
Ha objektiv überleit, hin und her
Nur eis weiss i gnau: Es liit sicher ned a mir

Du luegsch mi mit grossene Auge a
Und frogsch mi, was mer do mache cha
I ha lang ghirnet, i han en Idee
Aber die wird zimli schwirig für di

Schatz, du müesstisch ebe vo Apple si
De währed eusi ewige Lämpe verbi
Schatz, du müesstisch halt vo Apple si
De würdsch ned reklamiere, eifach funktioniere

Im Ruhezustand würdsch keis Wörtli quatsche
Und hettisch immer Freud, wenn ich di wür betatsche
Und wennt einisch nümm so würdsch funktioniere
De chönti di eifach neu konfiguriere


Alles wo im Hushalt funktioniert
Isch irgendwie vo Apple produziert
Und legge mer doch mol s Problem ufe Tisch
Dass du di einzig Problemzone bisch

Plug-and-Play, Plug-and-Play
Und alle Sorgen wären vorbei

I han es iPad, en iMac, as iPhone
Und vo all dene ghörsch kei hässige Ton
Aber du muesch ständig nume umemotze
I finde das langsam echli asträngend

I gib mer Müeh, bring e Bluemestruss
Guet, i han e klauet bim Nochborshuus
Aber s Parfüm, wo der gschenkt ha: Paris Chéri
Zuegeh, es isch es Müsterli gsi

Schatz, du müesstisch halt vo Apple si
De währsch ned so sensibel und besser kompatibel
Du wärsch für mi es himmlisches Wäse
Und chöntsch mer mini Wünsch per WLAN abläse

Wennt de füfzgi wärsch und alls echli lödeled
Falte überchunsch und mer di nüm gern fötelet
Rückt
Ah, nomol


Wennt de füfzgi wärsch und alls echli lödeled
Falte überchunsch und mer di nüm so gern fötelet
E Wüsch noch rechts würd Reset aktiviere
Und t Werksistellige wieder installiere

Plug-and-Play, Plug-and-Play
Und alle Sorgen wären vorbei
Plug-and-Play, Plug-and-Play
Und alle Sorgen wären vorbei

(Merci vielmol)