Chäsfüess Songtext
von Peach Weber

Er het so Chäsfüess, da glaubsch fasch ned
Er het so Chäsfüess, wie mers selte gseht
Er het so Chäsfüess, ähgi pfui
Er het so Chäsfüess, do hebi t Nase zui

Stiegt is Tram, ei Mosterei
Wiit und breit keis Plätzli meh frei
Doch de Alex macht sini Schue no chli uf
Und scho gumpet t Lüüt zum Fenster us
Chäsfüess

Sie sind imene Hotel und ligged im Bett
Er zieht sich ab, aber sie sich no ned
Sie meint nume: "Schatz, Pech hemmer gha
Do hets meini es Fonduestübli undedra"
Chäsfüess


Sie hocket im Kino und gsähnt fast nüt
Vor ine hocked grausam grossi Lüüt
Er fahrt under de Sitz mit eim chline Zeh
Und scho hends alles wieder total guet gseh
Aber de James Bond luegt en vo de Linwand abe a
Und seit: "I spiel ned wiiter, leg t Schue zerst wieder a"
Chäsfüess

Er goht go ässe mitere Frau
Sie nemed beidi Forelle blau
Er zieht t Schue ab underem Tisch
Und seit: "Gell Schatz, isch guet, de Fisch"
Sie luegt chli komisch und meint denn: "Öh
De schmöckt echli wienes Forelle-Cordon-bleu
Chäsfüess

Er suecht en Job imne grosse Spital
Irgendöppis höchers, das wär so si Fall
Do chunt de Chefarzt und het zuenem gseit
"Mir hend alles prüeft, es tuet mer leid
Mer hend e kei Job für si, si chönd wieder goh
Aber t Fües chöntit morn as Anestesisch... Ansest... Narkosemittel aafoh"
Chäsfüess

Sini alte Schue tuet er ned furtrüehre
Sondern mit de Schuesammlig uf Afrika spendiere
De Zoll aber seit: "Das goht uf kei Fall
Die Schue do gönd under Chriegsmatterial"
Chäsfüess


Jetzt isch de Alex tot, sit 14 Tag
Isch t Leiter abegheit, jetzt liit er im Grab
Wenn en sini Frau bsuecht, denn fahrts ihre i
Denn zum Bode us chäselets immerno echli
Denn de Alex isch zwor i Himmel cho
Aber de Petrus het gseit: "T Füess muesch dunde loh"

Chäsfüess chömed ned i Himmel
Chäsfüess sind schlimmer als Schimmel
Chäsfüess
Chäsfüess

Merci vielmol