Valerie Giscar D Estaing Songtext
von Maryam Saleh

فاليري جيسكار ديستان
والست بتاعه كمان
حيجيب الديب من ديله
ويشبّع كل جعان
يا سلاملم يا جدعان
ع الناس الجنتلمان
داحنا حنتمنجه واصل
وحتبقى العيشه جنان
التليفزيون حيلوّن
والجمعيات تتكوّن
التليفزيون حيلوّن
والجمعيات تتكوّن
والعربيات حتموّن


بدال البنزين بارفان
والفقرا حياكلوا بطاطا
وحيمشوا بكل الاطة
وبدال ما يسموا شلاطة
حيسموا عيالهم "جان"
وحتحصل نهضة عظيمة
وحيبقى علينا القيمة
فى المرسح او في السيما
او ف جنينة الحيوان
وده كله بفضل صديكي
ديستان الرومانتيكي
ولا حدش فيكو شريكي
فى المسكن والسكان