Ardas havena vivo Songtext
von Kajto

Ardas havena vivo, vivo, vivo
Laŭtas tumulta aktivo, aktivo, aktivo
Movas sin formoj, fumoj
Buntas kostumoj, lumoj

Ridas la mevorondoj
Bluas ĉielo, ondoj
Dancas sennombraj ŝipoj
Ĝojas maristaj skipoj

Bele somero varmas, varmas, varmas (bele somero varmas, varmas, varmas)
En la haveno svarmas, svarmas, svarmas (en la haveno svarmas, svarmas)
Fiŝoj jen brile oraj
Homoj nur bonhumoraj

Tra la foiraj budoj
Kuras la bubaj ludoj
Klaĉas la dommastrinoj
Fluas bieroj, vinoj


Sur la najbara strando, strando, strando (sur la najbara strando, strando, strando)
Flirtas junula bando, bando, bando (flirtas junula bando, bando)
Flikas olduloj lerte
Retojn plektitajn sperte

Kun harmonio, akordoj
Vibras muzikaj kordoj
Spiras akordeono
Kantas kun gurdo fono

Buntas kostumoj, lumoj
Movas sin formoj, fumoj
Laŭtas tumulta aktivo
Ardas havena vivo
Laŭtas tumulta aktivo
Ardas havena vivo

Laŭtas tumulta aktivo
Ardas havena vivo
Laŭtas tumulta aktivo
Ardas havena vivo
Laŭtas tumulta aktivo