Achti August Songtext
von Hecht

De achti August und es paar Stunde
De Himmel über üs esch verschwunde
I de Sommerabesonne flüüged Schwalbe im Schwarm
Und ech heb dech s erscht Mal im Arm

Du besch barfuess und ech ha kei Gäld
Was choschted mit der denn scho d Wält
Kei Angscht vor nüt, kei Angscht, öppis z fühle
Was chond, esch die Angscht, dech z verlüüre

Jetzt weiss ech, was die meined mit glücklech wärde
Du und die Wält legged im Schoss
Und alles, won ech hoff, esch vor der z stärbe
Bis det äne lahn ech dech nöm los
Nie meh los, ech lah di nie meh los

Jetzt dräie mer üs scho paar Mal um d Sonne
Jedi Rundi gfiired wie nes Wunder
Jede Tag nimmsch du mis Härz i d Hand
Drücksch′s a dech und stecksch's i Brand


Über das Thema schriib i secher nie es Lied
Aber krass, wie sech das irgendwie verschiebt
Kei Angscht vor nüt, kei Angscht, öppis z fühle
Was chond, esch die Angscht, dech z verlüüre

Jetzt weiss ech, was die meined mit glücklech wärde
Du und die Wält legged im Schoss
Und alles, won ech hoff, esch vor der z stärbe
Bis det äne lahn ech dech nöm los

Nie meh los, nie meh los, nie meh los
Ech lah di nie meh los
Nie meh los, nie meh los, nie meh los
Ech lah di nie meh los

De achti August und es paar Stunde
Irgendeinisch bin i verschwunde
Ech hoff du hesch nie Angscht, öppis z fühle
De chömmer üs au nie verlüüre

Jetzt weiss ech, was die meined mit glücklech wärde
Du und die Wält legged im Schoss
Und alles, won ech hoff, esch vor der z stärbe
Bis det äne lahn ech dech nöm los

Nie meh los, ech lah di nie meh los
Nie meh los, ech lah di nie meh los