Für unsare kloana Briada Songtext
von Hans Söllner

Mei Bruada hat zum Weihnachtsfest
a Luftgweah gschenkat griagt
Mit dem er jetzt ganz langsam
Unsa Wohnung demoliert
De Vorhäng san durch löchert
Koa Spieagl is mehr ganz
S' Oferreahl schaut wia a Teesieb aus
Da Vaputz foit von da Wand

Es dauert gar net lang
Dann kimmta drauf, dass des net bringt
Af was schiassn wos net zappelt wos net krabbelt oda springt
Des macht doch erst so richtig Spaß
Ja wenn de stehand san
Wenn irgendwos um sei Lebm rennt und trotzdem hots koa Chance


So foit des erste Vogal
Im Gartn draussd von Bam
A Volltreffa dassd Fedan fliang
Ganz langsam schwems zum Bodn
Und jedn Dog werdns a boa mehra
Bis se koans mehr zura traut
Und mei Bruada traurig woatnd
Beim Fensta ausse schaut

Das des no net des wahre war
Des gspannt er irgendwann
Komisch, oba ois wosa umbracht hot
Is gstorbm ohne an Ton
Da feits gewisse etwas
Da feit der gewisse Schrei
Der Schrei von dem ma woas
Wenna afherd, dann is mim Lebm vorbei


Jz hot er für guade Notn
No an kloana Hund vom Voddern griagt
Mit dema jedn Nachmittag
Im Woit draussd rum spaziert
Und wias hoit Hund so an sich hom
Er lafft erm irgendwann a moi weg
Er suacht und find na a boa Stund späda
Vom Jaga daschossn
Voi Bluad und voi Dreck
Und wiran da so lieng siegt
Er hebt na auf und drogt na no lebat hoam
Foit erm des erste Vogal ei
Des gleng is untan Bam
Er schwört, dassa nie wieda
Af wos lebendigs schiessn mog
Blos schod, dass da Mensch so vergesslich is
Mir sehngs ja jedn Dog

Ja schod, dass da Mensch so vergesslich is
Mir sehngs ja jedn Dog

Hans Söllner