Platz an der Sonn Songtext
von Gerd Köster

Jesses wenn du wüsstest
Wat ich nit all esu weiss
Dann lief su manchem hohe Dier
Un och mir schwer dr Schweiss

He Jung biess op de Zung
Dann jilt och für dich dat Sakrament
Dat immer wemmer nimmieh kann
Dat mer dann eine kennt

Häsde nix an de Fööss määsde besser Shake Hands
Denn jönne künne dunnse hück nur noch begrenzt
Wennde eine weede wills jiddet kei Pardon
Weil all wollen se stonn
He om Platz an dr Sonn

O Herrjott wat mich ärjert
Es dinge Verzäll vun dä Moral
Die is dingem Freud mit dä drei Zacke
Beim Kacke ejal


En dr Vorratskammer hammer
Krokodilsträne parat
En denne weed sonndaachs
Unser bedresse Jewesse jebad

Häsde nix an de Fööss määsde besser Shake Hands
Denn jönne künne dunnse hück nur noch begrenzt
Wennde eine weede wills jiddet kei Pardon
Weil all wollen se stonn
He om Platz an dr Sonn

Luur wie se do stonn
He am Platz an dr Sonn
Wie se bliesse kratze späue
Sich bedriesse un bekläue
He am Platz an dr Sann

Marie Marie saach nie nie
Nit dat du′t späder bereus
Denk immer an die Hingerdüür
En däm Jemüür en däm du steihs

It's one for the money - two for the show
Dreistigkeit siegt - hingerher frööt kein Sau
Wennde eine blieve wills jiddet kei Pardon
He um Platz an dr Sonn


Häsde nix an de Fööss määsde besser Shake Hands
Denn jönne künne dunnse hück nur noch begrenzt
Wennde eine weede wills jiddet kei Pardon
Weil all wollen se stonn
He om Platz an dr Sonn

Luur wie se do stonn
He am Platz an dr Sonn
Wie se bliesse kratze späue
Sich bedriesse un bekläue
He am Platz an dr Sann