Russland Songtext
von Georg Danzer

Heast, siehst du den, der was do drüb'n sitzt?
Der nie was red – mit dem war i eing'ruckt – Karl hasst er
Zweimal hab'n s' eam eing'schütt
Jetzt hat er an leichten Pecker
Kumm, gemma amoi umme
Heast, Karl – Karl wasst no wia des war – heast im 43'er Jahr –
Wia ma g'leg'n san in Russland in dem Wald
Und die halbe Kompanie war marod oder scho hi'
Nix zum Fressen und dazu no eisig kalt und da Ivan –
Da Ivan hat g'schoss'n und mia haben uns nix mehr g'schissen
Weil uns war eh scho alles Wurscht
Heast und die ratsch bum – die hat einag'fetzt
Und in der nacht die Nähmaschin' mei Liaba
Am Tag die Ratta im Tiefflug
Des hat net aufg'hört
Und die Stalinorgel
Und die schwere Artillerie
Und des ärgste die Panzer
Wann's kumman san mit die t-34, ja
Da san ma g'rennt, da san ma g'rennt


Na des hat si' auszahlt mei Liaba
Na, heut' red' er wieder einmal nix mit mir
Karl, Karl, nix zum woll'n
Karl, weißt no, da Malitzke aus Berlin
A feiner Bursch, der was immer g'sagt hat: "Quatsch mit Sosse, Mann!"
Den hat's damois dawischt –
I wass no heut' der hat grad pischt
Bei die Fiass hab i eahm müssen einezah'n in Grab'n
Und auf da Hundsmarken –
Des Bluat is pickt auf der Erkennungsmarken wie's eam abbricht
Aber Gott sei dank war er glei' hin
Andere, andere san drei tag im Stacheldraht g'hängt
Und mia hab'n s' schrei'n g'hört Mutter, Mutter –
Und mia hab'n s' net einaholn können wegen die Scharfschützen –
Die hab'n umag'schossen –
Und dann des schware SMG
Des hat eineg'hakt Tag und Nacht
Und dann san immer wieder die Flieger kumman
Und mit da PAK hab'n s' uns eing'hatzt
Und mit de Granatwerfer –
I hear's no heut' i hear des no –
Des hat si' auszahlt
Na heut' red er nix – lass ma eahm in Ruah