Schueubueb Songtext
von Florian Ast

I dänkä mängisch zrüg a früecher
Wie mir as ching hei zämä gschpiut
Si über grüeni fäuder gsecklet
Mit emne drache i dr hang
Wo mir chirschi klauet hei
Mit em velo wiudi tuure gmacht
U zoff gah de heim

Weisch no üsi bande
Mir hei mängi schtreiche gmacht
Im waud hei mir e hütte bout
I de fäuder üs verschteckt
Ohni uhr u ohni ziit
Hei tschutet bis i d nacht
Im summer schtoudämm boue
Im winter d schneebauschlacht


Sisch no gar nid eso lang här wo mir hei zämä gschpiut
Sisch no gar nid eso lang här
I mir blibt ging dr schueubueb vo 1982
Dr chli u gäbig schueubueb vo 1982

I bi no hüt nid viu angers
Aus i geschter scho bi gsii
I bi zwar itz erwachse
Ghöre zu de grosse lüüt
Nur mängisch da tüechts mi
Mir si doch ehrlecher gsii
Hei legoburge bouet
U am lehrer schnäbi gseit

Sisch no gar nid eso lang här wo mir hei zämä gschpiut
Sisch no gar nid eso lang här
I mir blibt ging dr schueubueb vo 1982
Dr chli u gäbig schueubueb vo 1982