Planetarium - tristotin banov Songtext
von Darko Rundek

I videl sem v megli
V megli sem videl
Zrinski črez meglu
Kak slepec gre v Beč

A nazaj ga nebu, nazaj ga nebu
A nazaj ga nebu nigdar več
A nazaj ga nebu, nazaj ga nebu
A nazaj ga nebu nigdar več

I Jelačiča bana i gospona Gaja
I njih sem videl bloditi v Beč

Tam buju svoju, tam buju svoju
Tam buju svoju popluvali reč
Tam buju svoju, tam buju svoju
Tam buju svoju popluvali reč

I videl sem v megli tristotin banov
Tristotin banov, tristo galanov
Kak zmirom črez meglu blodiju v Beč
Tam buju svoju, tam buju svoju
Tam buju svoju popluvali reč


Tristotin banov v salonvagonu
Tristotin banov blode v Budim

Petsto let jognja, petsto let megle
Turčin i jogenj i karv i dim
Petsto let jognja, petsto let megle
Turčin i jogenj i karv i dim

V megli sem videl, videl sem v megli
Seh križneh putov konec i kraj
V meglenom blatu, v pogrebnom maršu
Otkod nas nigdar več nebu nazaj
Ileri kak pilki, faklonosi
Zaškrabani dijaki, larfonosi
Pokapali su paradno starinsku reč kaj

Kak zvon je kaj grmelo
Kak kres je kaj plamtelo
Kak jogenj, kak harfa vekomaj
A oberpilko v gali
S pogrebnom faklom v roki
Med ilerskimi fanti
Mertvečkemi snuboki
Španceral se doktor Ludwig von Gay


Španceral se doktor, španceral se doktor
Španceral se doktor Ludwig von Gay
Španceral se doktor, španceral se doktor
Španceral se doktor Ludwig von Gay

Cinkuš je lajal v megli, golgotski
Pokapati smo znali furtinavek gospocki
I denes još navek poet je pioner
Zritan i sprepluvan kak stekli pes i zver
I denes je poetu navek još hraček dar
Navek bu tak, drugač nebu nigdar
Talentum menjše vredi neg pišiva skolopendra
Pri nas ni vrag za mrtvim talentom ne cendra
Dežđevna megla, megla, meglena selendra

I biškupa Štrocu sem videl v megli
I Mažurana bana kak sedi na cegli
Nigdar ne zgine gdo jemput živi

I Starčevića sem videl
V tej krvavoj megli
Kak Beču i Pešti plojevući

Jedini lampaš, jedini lampaš
Jedini lampaš v meglenoj noći
Jedini lampaš, jedini lampaš
Jedini lampaš v horvackoj noći