Boriada Songtext
von Corquiéu

La so figura, de pie na playa
Los güeyos fixos acolumbrando la mar
Sintió dicir que morriera
Que nun tornaría más

Y pidió-y a la mar
Que lu dexara tornar
Taba erma la so vida
Y vacíu queda′l llar

Caye la nueche, cola boriada
Güel a salitre y a verdín
Calistra l'agua la piel
Y ella espera por él

Vio les ñubes, que corríen
Y les foles españar
Sintió retumbar la trona
Vio los rayos rescamplar


Nel so corazón, valtaba
La esperanza de ver a Xan
Él nun diba abandonala
Pa quedar sola nel llar

Caye la nueche, cola boriada
Güel a salitre y a verdín
Calistra l′agua la piel
Y ella espera por él

Nel pueblu falaron d'ella
Pasará otra nueche más
Achisbando la bordiada
Acolumbrando la mar

Venti años, yá ficiera
Que desapaeciera Xan
Y ella siguía na playa
Esperando'l so tornar

Caye la nueche, cola boriada
Güel a salitre y a verdín
Calistra l′agua la piel
Y ella espera por él


Caye la nueche, cola boriada
Güel a salitre y a verdín
Calistra l′agua la piel
Y ella espera por él