'O ritratto 'e Nanninella Songtext
von Claudio Villa

Caro pittore
′Mméscale cu 'o penniello sti culure
Pròvate a fá nu quadro di valore:
Píttace na matassa ′e seta nera
Píttace doje curvine scure scure
'Na fravula zucosa
E 'na schiuppata ′e rose, rose tè!

Chist′è 'o ritratto
′O ritratto 'e Nanninella:
Suspire e vase ardente
Prumesse e giuramente
Bellezze e rarità!
Chistu ritratto
Io ce ′o manno a Nanninella...
Che fa si mm'ha lassato?
Si ′ammore, mo, è fernuto?...
Chistu ritratto
'Nce ll'aggia manná!


Caro pittore
′mméscale cu ′o penniello 'sti culore
Pròvate a fá nu quadro di valore:
Píttace na tempesta ′mmiez'ô mare
Píttace, atturcigliata a ciento core
′na vipera maligna
Cu ll'uocchie ′e fuoco, pronta a muzzecá!

Chist'è 'o ritratto
′O ritratto ′e Nanninella:
Suspire e vase ardente
Prumesse e giuramente
Bellezze e vanità!
Chistu ritratto
Io ce 'o manno a Nanninella...
Che fa si mm′ha lassato?
Si 'ammore, mo, è fernuto?...
Chistu ritratto
′Nce ll'aggia manná!

Chistu ritratto
Io ce ′o manno a Nanninella...
Giacché dimane sposa
Lle voglio fá 'a surpresa:
Chist'è ′o regalo ′e nozze
Ch'aggia fá!