Leigjendur taka höggið Songtext
von Bubbi Morthens

Leigjendur eru látnir taka höggið
Leikurinn er guðanna skemmtan
Launin duga ekki fyrir draumum
Martraðir eru í raun eina heimtan

Ég flakkaði fjarðanna á milli
Hvar frystihúsin voru mitt brauð
Ég stálaði hnífinn og lygina skar
Í sundur út flæddu orðin rauð


Æ taktu þennan dapra draum
Sem drengirnir trúðu á
Er Stalín lagði sín loforð
Logandi af illskunnar þrá
Sem snöru um háls frelsis
Fargaðu honum gakktu honum frá

Hjarta mitt slær alltaf með ykkur
Þó einhver sé fullur af efa
Jöfnuður handa öllum ætti að vera
En ekki brauðmoli úr ríkra hnefa

Hallir rísa meðan hreysunum fjölgar
Hungur vekur reiði brýnir stál
Ójöfnuður vex sem illgresi í regni
Einn daginn sérðu reyk síðan bál


Æ taktu þennan dapra draum
Sem drengirnir trúðu á
Sem var ískaldir hlekkir
Þaktir blóðugri þrá
Stalíns órar og illska hans
Fargaðu honum gakktu honum frá