Es git Zyte Songtext
von Wurzel 5

Ig weiss leider no nid was us mir de mau wird
D zuekunft ligt wie es ubeschribnigs blatt ufem tisch
Aube hani visione aube angst i mir
Aube ha ig z gfüeu es chunnt guet u aube schlaf ig nid i
Aube gseh ig anderi u dänke wo blibe ig
Aube gseh ni ds gägeteil u bi z fride mit mir
Aube bi ig nide u gibä ä figg
I weiss d verantwortig ligt iz für immer bi mir
Das isch scho guet so doch was isch i zäh jahr
Schiins ligt ja d zuekunft ide stärne nid wahr
Ha ihr schueu säute ufpasst chönnt mi chläpfe für das
U ig rouche immer no viu meh aus äs päckli pro tag
Aube bi ig unruhig z viu gedanke im chopf
Mini eutere hoffe si sie no lang da scho
Familie chinder hoffe der tag wird cho
Viu steit no offe doch irgendwie schaffe ig das scho


Es git zyte
Wo aues vergäbe isch
Doch es geit witer
O wed weisch es di z läbä figgt

Und itz bini wider dunge bini am arsch
Minute verwandle sech i stunde wi hassi das
Sisch mi sach i blüete für das büesse mi straf
Bhüet mi vor gliche fähler bisise widr mach
U schöne da dranne isch dass nume ufe cha gah
I schnuuf paar mau tief düre u sammle chraft
Liebe ds widr ufstah ds schiebe u widr da ds schtah
Briegge de widr lache niemer si u widr king
Gah witr witr u höcher höcher
Griff zrügg und i nimm ä pfiu us mim chöcher
Aues isch müglech me hett ä louf s louft so eifach
Doch me gheit nie tiefer aus bi erfoug klar simer ehrlech
Mängisch verschteckt hami scho mängisch verdrückt
Glichzitig ghüpft und ällei gäge füf
De füehlimi sicher druf abe gspüri di blicke wo
Mi verwirrä bisi finge dass mi au wei afigge


Es git zyte
Wo aues vergäbe isch
Doch es geit witer
O wed weisch es di z läbä figgt

Aube gmeint chönne z verdränge di töifs im läbä
Föng de vonalei wider vo nöiem a läbä
Sch isch nid aus so wis schiint nei d lüt meine aube
Heig ds aues im griff doch i trage narbe i mir
Säubstbewusst uf der bühni ds isch wi si mi gseh
Schieb depressione ame sunnti nachen gig i mim bett
Stoss a gränze im rap weiss aube nümme z verzeue
O scho dänkt mi mim ruef wäge müesse z versteue
Fründe mein i sig usgliche haut aus i balance
Frisses nur i mi ine so stout säch au dä balast
Tank widr chraft dür musig füeu mi bodeständig
Bis sech entladt s mer unger de füess dr bode wägrisst
Fernseh mi tröischt kumpan i dene stunde
Steut ke frag zeigt di schäiss wüt isch ehrlech zumer
Doch bini no so i dä brüch so tief unge
Weiss i i mim innerste es geit geng wider ufe

Es git zyte
Wo aues vergäbe isch
Doch es geit witer
O wed weisch es di z läbä figgt