Vill passiert sickher Songtext
von Wolfgang Niedecken

En Flamme stund ich leechterloh
Jed Fall hätt zojeschnapp
Wo ich jing
Hätt dä Teer jeschmoort
Jed Idee woor en Landkaat
"Mir stonn ahm Abjrund, paßt bloß op!"
Mann, kohm ich mir joot vüür
Dat woor, als ich noch vill älder woor
Ess vill passiert sickher


Met jedem blöde Vorurteil
Hann ich Jeck mich befaß
Ich hann jedaach en schwazz un wieß
All Zweschetön jehaß
Romantisch woor ich
Gnadenlos
Su wie ne Musketier
Dat woor, als ich noch vill älder woor
Ess vill passiert sickher

Ungerwääß su manch Jeseech
Dat dir en Schleimspur läht
Johreszahle, Politik, die immer bloß zo spät
Un Prädijer op Schritt un Tritt
Die′sch nie wirklich kapiert
Dat woor, als ich noch vill älder woor
Ess vill passiert sickher

Ne selvsternannte Durchblicker
Hätt bierähnz, seriös, behauptet
Dat Erziehungsgleichheit all Probleme lööß
"Gleichheit" ... wie off hann ich dat Woot
Vür'm Spejel rezitiert?
Dat woor, als ich noch vill älder woor
Ess vill passiert sickher

Dat woor, als ich noch vill älder woor
Ess vill passiert sickher