Unfassbar vill rään Songtext
von Wolfgang Niedecken

Wo woorste?
Wo hätt dich dä Wääsch hinjeführt?
Welsch Pflaster
Welsch Ääd hann ding Solle berührt?
Benn jestolpert ahm Fooß vun zwölf neblije Birje
Benn jekroche, jerobb, bess ich daach, ich däät stirve
Ahn nem Strand vun nem Meer uss Schweiß un uss Träne
Wooß em Schlund vun ′nem Friedhoff: Bahl weed et rääne
T'jitt Rään

Saach mer, Jung, wat hann ding Aure jesinn?
Sühß du noch jet, oder bess du längs blind?
Ich sooch ′e Baby, verlooße, en 'nem Wolfsrudel
Männer met Hämmern, bloodbesudelt
Massenhaft Redner met jespaldene Zunge
Pistole und Schwerter en Häng vun klein Junge

Rään, et jitt Rään, et jitt Rään, et jitt Rään
En Sintflut jitt et
Unfaßbar vill Rään


Wat hässte met eijene Uhre jehührt?
Wat hässte dobei deef en dir jespürt?
Do woor ne Donner, su laut, als wöhr'e en Warnung
En brüllende Flutwell met zischender Brandung
Jeflüster vun zehndausend, dämm keiner zohührt
Wie dämm Clown op dä Strooß, die nirjendwohin führt

Rään, et jitt Rään, et jitt Rään, et jitt Rään
En Sintflut jitt et
Unfaßbar vill Rään
Unfaßbar vill Rään
Unfaßbar vill ...

Wer ess dir noch bejähnt en dä Zick ungerwääß?
Övverhaup: Wo ess dat Ziel vun dä Reis?
Do woor dat Kind met dämm Pony, dat duud en der Sood looch
Ne pechschwazze Hungk leef ′nem schniewieße Kääl noh
En Fee wollt mir ′ne Räänboore jevve
Ne Eifersuchtskranke nohm sich et Levve
Ich jonn zo dänne zoröck, die nix en dä Häng hahle
Wo die einzje Färv schwazz
Usser Nulle kein Zahle, wo zom Odme die Luff fählt
Et Wasser verjeff ess, wo Zohuss bloß 'e ander Woot ess für Jefängnis

Rään, et jitt Rään, et jitt Rään, et jitt Rään
En Sintflut jitt et
Unfaßbar vill Rään


Rään, et jitt Rään, et jitt Rään, et jitt Rään
En Sintflut jitt et
Unfaßbar vill Rään
Unfaßbar vill Rään
Unfaßbar vill Rään