Svefnljóð Songtext
von Vilhjálmur Vilhjálmsson

Loks er dagsins önn á enda, úti birtan dvín.
Byrgðu fyrir blökkum skugga björtu augun þín.
Ég skal þerra tár þíns trega, tendra falinn eld,
Svo við getum saman vinur, syrgt og glaðst í kveld.


Lífið hefur hendur kaldar, hjartaljúfur minn.
Allir bera sorg í sefa, sárin blæða inn.
Tárin falla heit í hljóði, heimur ei þau sér.
Sofna vinur, svefnljóð meðan syng ég yfir þér.

Þreyttir hvílast þöggla nóttin, þaggar dagsins kvein.
Felur brátt í faðmi sínum fagureygðan svein.
Eins og hljóður engill friðar yfir jörðu fer.
Sof þú væran vinur, ég skal vaka yfir þér.
Sof þú væran vinur, ég skal vaka yfir þér.