Zumikon Songtext
von Stubete Gäng

Villicht bini no chli z′jung zum
Oder mir isch nid so drum zum
Villicht fählt mer au de Mumm zum
Oder bini nume z'dumm zum

Denn ich läbe bitzli ungsund
Chaufti mir drum denn en Hund und
Hätti denn äntlich en Grund zum
Zum uf Zumike zieh

Doch ich ha no gar kein Hund und
Alles anderi für drum um
Ich läbe immer no uf Pump drum
Fählt de finanzielli Schwung zum

Weisch, i miech mi sogar chrumm zum
Nid irgendöppis wär mir z′bunt zum
Mache alles was ich muen zum
Zum uf Zumike zieh


Doch mir
Fählt de Chole, und de Chlütter und de Chlotz und
Ha kei Ruggel, keini Höger und kä Stutz drum
Bruuch ich äbe die Monetä, dass ich irgendwie
Chan uf Zumikon zieh

Es tuet mir leid, ich chum nid drum um
Ich binde mir en Fummel um und
Hole mir eso en Pump gun
Gah zur Bank und säge chum chum

Mach mal uf de Tresorruum und
Tue die Nötli i de Strumpf chum
Ab in Charre und den brumm brumm
Schnell uf Zumike zieh

Will mir
Fählt de Chole, und de Chlütter und de Chlotz und
Han kei Ruggel, keini Höger und kä Stutz drum
Bruuch ich äbe die Monete, dass ich irgendwie
Chan uf Zumike zieh

Aber äbe, wenn es dumm chunnt
Chunnt Polizei mitsamt em Hund und
Ich im Chugelhagel um chum
Fählt doch wieder jede Grund zum
Zum uf Zumike zieh


Drum
Vergiss de Chole, und de Chlütter und de Chlotz und
Ich bruuch kei Ruggel, keini Höger, und kein Stutz drum
Nimm ich äbe die Monete, höchschtwahrschiinlich nie
Zum uf Zumike zieh

Drum wird ich äbe i dem Läbe
Höchschtwahrschiinlich nie
Uf Zumike zieh