Knapp denäbe Songtext
von Stubete Gäng

Ich chaufe mir en Lottoschii
Ha sogar sächs Richtigi
Ach, hätt ich de Fötzel doch
Auno abgäh am Kiosk

Langi Haar und langi Bei
Staht sie i de Disco ganz ellei
Ich gah äne, tanz sie ah
Sie dreit sich um, es isch en Maa

Knapp denäbe isch au verbi
S′hät halt nid, selle si
Knapp denäbe isch au verbi
So chas gah, nüt isch gsi

Dänk nümm dra, es isch doch glich
Fascht hät's klappt, immerhin
Knapp denäbe isch au verbi
S′hät schlimmer chönne si


Dorfturnier im Halbfinal
Mini Chance, die isch da
Ich ha de Ball und hau en dri
Doch s'Goal isch leider üses gsi

Kolumbus wetti um s'verrecke
Indie per Schiff entdecke
Knapp drü Mönet het er gha
Denn isch er in Amerika

Knapp denäbe isch au verbi
S′hät halt nid, selle si
Knapp denäbe isch au verbi
So chas gah, nüt isch gsi

Dänk nümm dra, es isch doch glich
Fascht hät′s klappt, immerhin
Knapp denäbe isch au verbi
S'hät schlimmer chönne si

Jänu, jänu
Jetz isch es halt eso
Ich läb ja immer no
Und nächscht Mal gaht′s denn scho


Jänu, jänu
E so wie's isch, isch guet
Es git Momänte gnueg
Wo mer sich säge muess

Knapp denäbe isch au verbi
S′hät halt nid, selle si
Knapp denäbe isch au verbi
So chas gah, nüt isch gsi

Dänk nümm dra, es isch doch glich
Fascht hät's klappt, immerhin
Knapp denäbe isch au verbi
S′hät schlimmer chönne si