Twa Corbies Songtext
von Steeleye Span

As I was walking all alane
I heard twa corbies makin' mane;
And tane ontae the tither did say,
Where shall we gang and dine the day
Where shall we gang and dine the day?

In behind yon aul fail dyke
I wot there lies a new slain knight;
And naebody kens that he lies there-o
But his hawk and his hound and his lady fair-o,
His hawk and his hound and his lady fair.


His hawk is tae the hunting gane,
His hound to fetch the wildfowl hame;
His lady has ta'en anither mate-o
So we may make our dinner sweet-o,
We may make our dinner sweet

Ye'll sit on his white hause-bane
And I'll pike out his bonny blue een;
With many a lock of his golden hair-o
We'll theek our nest when it grows bare-o,
Theek our nest when it grows bare.

Many a one for him makes mane
But nane shall ken where he is gane;
O'er his white bones when they are bare-o
The wind shall blow for evermare-o,
The wind shall blow for evermare.