Surriento d''e nnammurate Songtext
von Sergio Bruni

Loggia ′e Surriento
Tu, 'ncopp′ô specchio 'e 'stu mare
′Na gran signora
Ca se ′ntulètta mme pare
Aria 'e Surriento
Saglie da ′e vville addurose
Ca vònno 'e spose
′E sciure 'arancio addurà

Surriento, Surriento, Surriento
D′ 'e 'nnammurate
Te saccio p′ ′e bbracce abbracciate
Cu 'a felicità
Te sanno ′e nnuttate d'argiento
D′ 'e sserenate
Surriento d′ 'e vvócche vasate
Pe' mmane astrignute pe′ n′eternità


Cielo 'e Surriento
Purtaje, pe tte, chesta seta
′Nu brigantino
Ca jéva 'a ll′India a Gaeta
Mare 'e Surriento
Addó truvaje ′stu culore
Chillu pittore
Ca te venette a pittà?

Surriento, Surriento, Surriento
D' 'e ′nnammurate
Te saccio p′ 'e bbracce abbracciate
Cu ′a felicità
Te sanno 'e nnuttate d′argiento
D' ′e sserenate
Surriento d' 'e vvócche vasate
Pe′ mmane astrignute pe′ n'eternità

Te sanno ′e nnuttate d'argiento
D′ 'e sserenate
Surriento, Surriento, Surriento
D′ 'e 'nnammurate