Mmiez' 'o grano Songtext
von Sergio Bruni

E ′a sera, sott' ô pasteno
D′ 'e mmele annurche, passa
'Stu core sempe giovane
Ca ride e c′arrepassa

E ′a luna, pazziannose
'Nu ramo e ′n'atu ramo
′Nterra, cu 'e file d′evera
Ricama 'nu ricamo

Oje Stella, Stè, c'aspiette ′nu signale
′O ggrano ammaturato è culor d'oro
E ′sti capille tuoje sò tale e quale
E 'o ssaje ca i′ mme ne moro
Si, 'mmiez′ ô ggrano, nun m' 'e ffaje vasà

Quanno ′e marite dormono
Stracque ′e fatica ancora
Ll'ammore ca sta pesole
Sceglie ′a quartata 'e ll′ora


'St′arille comme cantano
Sott'a 'sta luna chiara!
E comm′addora ′o ccanape
Pe' tuorno a ′sta pagliara!

Oje Stella, Stè, c'aspiette ′nu signale
'O ggrano ammaturato è culor d′oro
E 'sti capille tuoje sò tale e quale
E 'o ssaje ca i′ mme ne moro
Si, ′mmiez' ô ggrano, nun m′ 'e ffaje vasà

Ma tu nun duorme, è inutile
′Stu core tujo me sente
Quanno, pe' sott′a ll'albere
Passo annascostamente

E ghiesce fore, pallida
Bella comm'a nisciuna
E ′a luna, zenniannoce
Cuffea... ′sta 'mpesa ′e luna

Oje Stella, Stè, c'aspiette ′nu signale
'O ggrano ammaturato è culor d′oro
E 'sti capille tuoje sò tale e quale
E 'o ssaje ca i′ mme ne moro
Si, ′mmiez' ô ggrano, nun m′ 'e ffaje vasà