Vakrathunda Mahakaya Songtext
von S. P. Balasubrahmanyam

వక్రతుండ మహాకాయ
కోటి సూర్య సమప్రభ
నిర్విఘ్నం కురుమే దేవ
సర్వకార్యేషు సర్వదా

జయ జయ శుభకర వినాయక శ్రీ కాణిపాక వరసిద్ధి వినాయక

జయ జయ శుభకర వినాయక శ్రీ కాణిపాక వరసిద్ధి వినాయక

బాహుదా నదీ తీరములోన బావిలోన వెలసిన దేవా
మహిలో జనులకు మహిమలు చాటి ఇహపరములనిడు మహానుభావా

ఇష్టమైనది వదిలిన నీకడ ఇష్టకామ్యములు తీర్చే గణపతి

కరుణను కురియుచు వరముల నొసగుచు నిరతము పెరిగే మహాకృతి


సకల చరాచర ప్రపంచమే సన్నుతి చేసే విఘ్నపతి
నీ గుడిలో చేసే సత్య ప్రమాణం
ధర్మదేవతకు నిలుపును ప్రాణం
విజయ కారణం విఘ్ననాశనం కాణిపాకమున నీ దర్శనం
జయ జయ శుభకర వినాయక శ్రీ కాణిపాక వరసిద్ధి వినాయక
జయ జయ శుభకర వినాయక శ్రీ కాణిపాక వరసిద్ధి వినాయక

పిండి బొమ్మవై ప్రతిభ చూపి బ్రహ్మాండ నాయకుడివైనావు
మాతాపితలకు ప్రదక్షిణముతో మహాగణపతిగ మారావు

భక్తుల మొరలాలించి బ్రోచుటకు గజముఖ గణపతివైనావు

బ్రహ్మాండమునే బొజ్జలో దాచి లంబోదరుడవు అయినావు

లాభము శుభము కీర్తిని గూర్పగ లక్ష్మీగణపతివైనావు
వేద పురాణములఖిలశాస్త్రములు కళలూ చాటును నీ వైభవం
వక్రతుండమే ఓంకారమని విభుదులు చేసే నీ కీర్తనం
జయ జయ శుభకర వినాయక శ్రీ కాణిపాక వరసిద్ధి వినాయక
జయ జయ శుభకర వినాయక శ్రీ కాణిపాక వరసిద్ధి వినాయక