Eqqissitinnga Songtext
von Peand-el

Eqqaamavara anaanamma meeraagallaram′ atuffattarsimagaanga
innannginninnilu asanerartarsimallunga pakkullunga qulliit qamissanag'
matu ammaqqaannarlugu taamaasimanngilarli sallumik meeraanerarsimavunga

Qiimasarpunga kiinappalerlunga inunnut takutikkusunnagu kinaassusera
takugumma illartunga takugumma qungujuttunga isumaqassanngilatit
pilluartuusunga qamuuna qasuvunga kiinappara peerlara eqqissilanga
aap nassuerpunga eqqissiviittuuvunga allanngortissinnaanngilara
meeraanera meeraallunga asanninnermik pinikuunnginnama anaananniik
amerlasuut qulliit nunamut torarsimasut allarterlakka kingumut
qiviarlanga kingumut uteqqillanga meerarlu una pakkullara


Qasulerpunga najumminnga nakkalerpunga qaqitinnga sapilerpunga
ikiunnga oqaluppunga tusaannga meeraallungali kisimiippunga
paarinnga asannga sinileraangama toqqissisinnga ersivunga
saarmassannga anaana tusaavinga qimaannarlunga aninak qanoq
misigisimasunga paasiuk uumatit atoruk imiinnarnak meeqqat
paariuk "illit meeraqaruit paariuk unnuaannarmi qimannagu uattut inuutsinnagu!"

Nuanniillioraangama inimi taartumi qiasarpunga meeraallungami
ersingaangama qipiup iluani taartumi toqqoqqasarpunga
nalunnginnakku anaana peqanngittoq nalugaluarlugu
suna ersinartusoq nalunngiinnarpara anaana sinittarfimmiinngittoq

Sila qiianarpoq una meeraq anaanaminik ujaarlertoq unnuarortorsuugaa
kisimiilluni ingerlavoq qiulluni uppippoq ilisimajunnaarluni
unami meeraq suli atsisalersorneq naluvoq
inuusuttup takulerpaa meeraq apummik qallersimasoq

Eqqissitsinnga qamuuna ilukkut
eqqissitsinnga ilukkut
eqqissitsinnga qamuuna ilikkut
eqqissitsinga ilukku