Isitit Oqaluttuassaqaqisut Songtext
von Peand-el

Isingaakkami isitit
Oqaluttuassaqaqisut
Inuunermut ajunngitsumut ujaasiuartut
Oqarluttuarisara ilaanni ukiorparparpassuit ingerlaneranni aatsaat inuianninngaanniik iluamik paasineqalersarpoq

Anorersuartumi aggerstarpoq
Taavalu inuiaat tamaasa ajunnginnerusumut inuunermut inuulersinnaanngortillungit

Taamaammat una erinannguaq ilissinnut

Meeraavutit niviarsiaraallutit
Qulit sinnernangit suli ukioqarlutit
Meeraqatitit silami pinnguaqatingaatit
Pilluaqaatit ataatarpit iseqquaatit nerilerassi

Arpaannaq angerlarputit ataatsimuulerassi
Ataatali oqarpoq aallangajalernerarluni
Sulinngippammi sussaqannginnassi

Anaanami suliffissaqannginnami
Illinnguarlu meeraallutit suli

Ataata aallarmat
Anaana kamappoq

Ataata tarrimmat anaana imerpoq


Kiserliorpoq anniarninnilu ilinnunnguaq tutsillungu

Aasinaasit anaana imminut aqussinnaajunnaarpoq

Isingaakkami isitit oqaluttuassaqaqisut
Inuunermut ajunngitsumut ujaasiuartut

Paasinngilat sooq annerlutit

Paasinngilat sooq taamak pitinnerlutit

Kisiannili uummatikkut annerputit

Anaanarpit isassimammatit

Sunut tamanut pisuutillutit

Allaat oqarfingalutit inunngortussaanngikkaluartutit

Inimi taartumi issiavutit
Qullilillutit
Nalulerlungu qanoq iliussanerlutit

Maanna inuusuttuaraavutit
Kisiannili qangalili inersimasutut pissuseqalereernikuuvutit

Kiserliorfimmi ataata sooruna suli tikinngittoq

Aalingooq juullinngittoq tikinniartoq

Aasinaasit anaana imminut aqussinnaajunnaarpoq

Isingaakkami isitit oqaluttuassaqaqisut
Inuunermut ajunngittumut ujaasiuartut


Ataata utinngittoorpoq

Anaana suli ajorpoq

Tungujornitut atisarnik toqqoqqangitit

Maannali arnannguuvutit

Aammalu naartulersimallutit

Anaanap takussanngilaa

Kialluunniit paasissanngilaa

Maani illumi perussanngilaq

Una meerassannguaq

Nuannarlutit aappat ornippat

Oqarfingalungulu naartullutit

Kisiannili ataatassaata meeraq paariumanngilaa

Naartuersinnissat piumasaraa

Peertikkusunnginnakku inuunerniit anivoq kiserngorupputit

Taqqama persersorsuuvoq
Napparsimavimmilu meeraq inunngorpoq

Isingaakkami isitit oqaluttuassaqaqisut
Inuunermut ajunngittumut ujaasiuartut

Anivutit meeqqat nassarlungu
Persersumi ikioqqullutit nilliaatingalutit
Angullu takulerpat pisuttoq
Nukissatit tamaasa atorlungit ornippat
Piumaffingalungulu meerannguaq una tingussangaa
Ilittut perussanngimmat
Paariuk meerannguara
Tassa oqaatsitit kingulliit

Uuh, erninga suli tusarnaarpit
Uuh, erninga sinilluarina.