Seoithín Seothó Songtext
von Muireann Nic Amhlaoibh

Chorus:
Seoithín seothó, mo stór é mo leanabh
Mo sheod gan chealg, mo chuid den tsaol mór
Seoithín seothó, nach mór é an taitneamh
Mo stóirín ina leaba ina chodladh gan bhrón
A leanbh, mo chléibh, go n-éirí do chodladh leat
Slán agus sonas a choíche ′do chomhair
Seo beannacht Mhic Dé agus téagar a Bhuime leat
Téiríg a chodladh gan bíogadh go ló


Ar mhullach an tí tá síoga geala
Fá chaoin ré an earraigh ag imirt a spóirt
Is seo iad aniar chun glaoigh ar mo leanbh
Le mian é tharraingt isteach sa lios mór
Goirm tú, a chroí, ní bhfaighfidh siad do mhealladh
Le brí a gcleas ná le binneas a gceoil
Táimse led' thaoibh ag guí ort na mbeannacht
Seoithín, a leanbh, ní himtheo′ tú leo

(Chorus)

Ós comhair mo lao, go míochair ceanúil
Tá díl-roisc aingeal ag faire ina threo
Le mór-ghrá dian á iarraidh chun bealaigh
Mar b'aoibhne flaithis dá raghadh sé leo
A stór mo chroí, luigh siar i do leaba
Taobh le do Mham is ea fanfair go fóill
Ní mór liom do Dhia mo shiamsa 'gus m′aiteas
Mo riocht ar talamh i dteannta mo bhróid

Seoithín seothó, mo stór é mo leanabh
Mo sheod gan chealg, mo chuid den tsaol mór
Seoithín seothó, nach mór é an taitneamh
Mo stóirín ina leaba ina chodladh gan bhrón