Da Wamperte, da Glatzerte und i Songtext
von Marianne Mendt & Wolfgang Ambros

Da war doch a Cafe, genau an dera Stell,
I waß es no, weu i erinner mi.
Da habn mir amoi g′spielt, die Zeitn warn sehr wild,
Da Wamperte, da Glatzerte und i.
Mir haben jammed in die Lokale auf d'Nacht,
Mir warn jung und habn viel Blödheiten gmacht,
Mir habn a Hetz ghabt und warn so frei
Und kana, kana wollt da Letzte sei′.

Und die Musik, ja die Musik,
Die hab i immer no in die Ohrn
Und ka Liad, net a Liad hab i verlorn.


Jetzt is da eine Bank, net meine, Gott sei Dank,
I brauch ka Girokonto für d'Marie.
Wie lang is des scho her, i was es garnet mehr,
Da Wamperte, da Glatzerte und i.
Mir warn zamghazt, des kann ma ruhig sagn,
San dahergfahrn in an rostigen Wagn,
Mir warn berüchtigt und auch beliebt,
Mir warn a Trio, wie's ka zweit′s mehr gibt.

Und die Musik, ja die Musik,
Die hab i immer no in die Ohrn
Und ka Liad, net a Liad hab i verlorn.

Was die wohl jetzt so treibn, i sollert eahna schreiben,
Wir warn ja so a herrliche Partie.
Des wär vielleicht a Gag, mir machen a Comeback,
Da Wamperte, da Glatzerte und i.
Mir ziagn wieder durch d′Lokale auf d'Nacht
Und es wern a wieder Blödheiten gmacht,
Mir wern a Hetz habn und san so frei
Und kana, kana wird der Letzte sei′.

Und die Musik, ja die Musik,
Die hab i immer no in die Ohrn
Und ka Liad, net a Liad hab i verlorn.