Vanaand se maan Songtext
von Laurika Rauch

Nag loop sy paaie
Duisternis kry sy sin
Geluide word lawaaie
Want die nagstilte het begin
Ver-af skreeu ′n kiewiet rou
'N Jakkals kreun sy klag

En vanaand se maan
Is ′n hartseer maan
Is 'n spierwit maan
Vanaand se maan is mooi

Nag loop sy paaie
Duisternis gaan sy gang
Die donker word nou baie
En die baie maak bang
Nag se swart maak dood die lig
Die dag sterf in 'n ster


En vanaand se maan
Is ′n hartseer maan
Is ′n spierwit maan
Vanaand se maan is mooi

Want vra maar die maan as hy so lyk
Hoe dink ek nog aan jou
Vra hom of hy hartseer is
Want hy kan ook onthou

Donker word ligter
Dag se son breek die nag
Die aarde word stil wakker
Want die son sê: dit is nou dag
Twaalf ure se fel verlang
Voor nag jou weer omvou

En dan's vanaand se maan
Weer ′n hartseer maan
En 'n spierwit maan
Vanaand se maan
Vanaand se maan is dan weer mooi