Gstanzln Songtext
von Kraudn Sepp

Und der Gickl Gockl hod a Henn ghabt
Und der Gockl Gickl der hods aa
Sogt der Gockl Gickl zum Gickl Gockl
Gickl Gockl du die meine aa.

Und da drauß in Heilbrunn
Sitzt a Aff in da Sunn
Frisst a Bratal, trinkt an Wein
A so a Aff mecht i sein.

Und wann ma koa Geld ned ham
Geh ma aufd Eisenbahn
Do kemma mehra zam
De wo koans ham.

Und oa Eisenbahner und zwoa Bettelmanner
Und da Klaubauf und da Nikolo
De san mitnander auf Altötting ganga
San bis heid no ned do.


Drei Paar Leidln, de führn an Tanz
Da Gibbe Girgl und Lusti Hans
Da Fetta Nazi und Sippi Sepp
Da Huaba Muckl und da Dippi Depp.

Aber seids ned siemeckert, seids ned achteckert
Gscherde Bauernlackl, wennts na oi verreckats
Und and Höll soits kemma, lauter Deife sollts werdn
Dassts es ned recht dastessn kunnts, de hoha Herrn.

Und der Schneider z′Neisiass
Und seine Knecht
Hom da Goaß s'Loch zuagnaht
Is′n des recht?

95 oide Weiber
Vo Fürstenfeldbruck
Kost's Pfund 25 Pfenning
Und d'Haut kriagst wieder zruck.

S′Dirndl hoaßt Resi
Sie is a bissl a Besi
Wann i′s oglang, na schreits
Mit dera Res is' a Kreiz.


S′Dirndl hoaßt Zilly
Sie war sonst ganz willi
Sie gab ma's ganz aa
Wenns zum obschraufn war.

Z′Minga homma an Rausch ghabt
Z'Holzkircha homma gspiem
Z′Tölz hamma and Hosn gschissn
Und z'Goaßa samma bliem.

S'Dirndl hod an Rock eine grotzt
Eine gschissn hods aa
Hob i ihra a Watschn gem
Duads an Schoaß aa.

Jetz werds na boid aus sei
Mitm Gstanzl singa
De Oidn sterm aus
De Junga lernens nimma.