Ithramel Manamulla Songtext
von K. J. Yesudas

ഇത്ര മേൽ മണമുള്ള
കുടമുല്ലപ്പൂവുകൾക്കെത്ര കിനാക്കളുണ്ടായിരിക്കും
സന്ധ്യാംബരത്തിൻ്റെ മന്ദസ്മിതങ്ങളിൽ
അവയെത്ര അഴകുള്ളതായിരിക്കും
ഇത്ര മേൽ മണമുള്ള
കുടമുല്ലപ്പൂവുകൾക്കെത്ര കിനാക്കളുണ്ടായിരിക്കും


പൂവിൻ്റെ സ്വപ്നങ്ങൾ പൂക്കളേക്കാളും
മൃദുലവും സൗമ്യവുമായിരിക്കും
താമരനൂൽ പോൽ പൊഴിയും നിലാവിലും
യദുകുല കാംബോജിയായിരിക്കും
ഇത്ര മേൽ മണമുള്ള
കുടമുല്ലപ്പൂവുകൾക്കെത്ര കിനാക്കളുണ്ടായിരിക്കും

നിത്യവിലോലമാം സ്വപ്നങ്ങളും ഞാനും
എല്ലാ രഹസ്യവും പങ്കു വയ്ക്കും
ആത്മാവിനുള്ളിൽ വന്നറിയാതെ
പടരുന്നതാരാഗ പരിമളമായിരിക്കും

ഇത്ര മേൽ മണമുള്ള
കുടമുല്ലപ്പൂവുകൾക്കെത്ര കിനാക്കളുണ്ടായിരിക്കും
സന്ധ്യാംബരത്തിൻ്റെ മന്ദസ്മിതങ്ങളിൽ
അവയെത്ര അഴകുള്ളതായിരിക്കും
ഇത്ര മേൽ മണമുള്ള
കുടമുല്ലപ്പൂവുകൾക്കെത്ര കിനാക്കളുണ്ടായിരിക്കും