Wach uuf Songtext
von Jaël

I ha ne Fründ mit bruunem Fäli
Emne runde Buuch u dunklen Ouge
är isch geng lieb u zuetroulech
I ha ne Fründ, dä isch geng bi mir
Mir lache viu bim Spilen im Garte
Chumm, i ma fasch nid warte

Wach uuf, wach uuf, was ligsch so stiu im Höi
Chumm, wach uuf u schnuuf, stang uuf
Chumm druuf uf d Hang
I wott di no chli strychlen am Buuch
Wott schmuse tagelang
Stang uuf – stang uuf


I ha ne Fründ, dä frisst Gras u Chlee
är schmatzet, schnupperet vor Fröid
U chratzt sech am Buuch mit syne Chräueli
I ha ne Fründ, dä het längi Ohre
är lost mir zue, o wen i ihn nid gseh
I weis es scho: är chunt nie meh

Wach uuf, wach uuf, was ligsch so stiu im Höi
Chumm, wach uuf u schnuuf, stang uuf
Chumm druuf uf d Hang
I wott di no chli strychlen am Buuch
Wott schmuse tagelang
Du wachsch nümm uuf, machsch d Ouge nümme uuf
Du steisch nid uuf
Es Stärnli chunt u flügt mit dir dervo; dyni Fründe warte scho
Si warte scho u dir flüget dervo


Jitz bisch bi de Stärnen u glych no bi mir
Tief i mir inne tragen i di
Pass uf mi uuf
Jitz bisch bi de Stärnen u glych no bi mir
Tief i mir inne gspüren i di
Pass uf mi uuf
Pass uf mi uuf
Pass uf mi uuf
Pass uf mi uuf