Immer nume nei Songtext
von Jaël

Bim Zmorge faats scho aa
I darf kes Dessär ha
U barfuess nid i Schnee
I hueschti süsch de morn no meh
När renn i dür e Gang
U schiesse d Garderoben um
De nimmt der Papi mi bir Hang
"Chumm, hie innen isch es z äng
Gump gschyder dussen umenang!"

Am Nami im Büro
Han i d Schubladen usegno
Locher, Fiuzer, Zirku, Lym
D Lüüchtstifte sowieso
Aues hie wird farbefroh
Ds ganze Büro schön verziert
Ds Mami seit: "S isch aues verschmiert
Das geit würklech nid eso
Tue aues zrügg, wo d′s här hesch gno!"


Aui sägen immer nume nei
Aui säge: "Stopp!" und: "Heieiei!"
Aui säge: "La das itz la sy
Für das bisch no z chly!"

Us Shampoo u Parfä
Han i e Sofaglasur gmacht
S Grosi, wo d Närve grad verliert
Seit, ds Sofa sygi ruiniert.
Mit der Schäri schnyd i d Haar
My nöiji Frisur wird wunderbar
Hinge churz u vore läng
Aber si luege nume sträng
U lütte schnäu em Coiffeur aa

Aui sägen immer nume nei
Aui säge: "Stopp!" und: "Heieiei!"
Aui säge: "La das itz la sy
Für das bisch no z chly!"
Si sägen aui immer nume nei
U si säge: "Stopp!" und: "Heieiei!"
Aui säge: "La das itz la sy
Für das bisch no z chly!"


Am Aaben im Bett, da frag i mi
Gits öppis, wo nid
Verbotten isch u trotzdäm e chli fägt?
Am Aaben im Bett, da fragen i:
"Heit dir mi trotzdäm gärn?
Ou we hütt chli viu los isch gsi?"

U si säge: "Ja, wo dänksch o hi?
Du bisch üse Schatz, das änderet nid
O we mir mau verruckt ufnang sy,
Das ghört derzue, (da) isch nüüt derby.
Du bisch üse Schatz, egau was isch,
Wüu du so, wie d' bisch, genau richtig bisch
Was hütt isch passiert, das isch verby
Aber d Liebi, die blybt
D Liebi, die ändet nie."