Rasta Bhool Gae Songtext
von Hadiqa Kiani

بول، کہ لب آزاد ہیں تیرے
بول، زبان اب تک تیری ہے
تیرا ستواں جسم ہے تیرا
بول کے جان اب تک تیری ہے

بول، بول، کہ لب آزاد ہیں تیرے


دیکھ کہ آہن گر کی دکان میں
تند ہیں شعلے سرخ ہے آہن
کھلنے لگے قفلوں کے دہا نے
پھیلا ہر اک زنجیر کا دامن

بول، بول، یہ تھوڑا وقت بہت ہے
جسم و زبان کی موت سے پہلے
بول، کہ سچ زندہ ہے اب تک
بول، جو کچھ کہنا ہے کہہ لے
بول، جو کچھ کہنا ہے کہہ لے